Diɛt 99 - JAM DE NHIALIC 2011

Nhialic Meliŋ Dït

¹ Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

² Bɛ̈nydït Yen adït në Dhiɔn, Yen anu ë juöör nïïm kedhie.

³ Raan ëbɛ̈n abï dït de rinke bäänyde leec. Yen aɣeric!

⁴ Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

⁵ Pianykï Bɛ̈nydït Nhialinyda, lämkï ë thööcde nɔm! Yen Aɣeric!

⁶ Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

⁷ Aa ye jam ke keek në mën de luätic, acïk lööŋ ku wɛ̈ɛ̈t cï gäm keek riëëu.

⁸ Bɛ̈nydït Nhialinyda, Yïn cï lɔ̈ŋ de kɔcku bɛ̈ɛ̈r, acï nyuöth keek nɔn Yïn Nhialic de päl de awɛ̈ɛ̈c, cakaa nɔn cï Yïn keek luöi këtuc në biäk de karɛcken.

⁹ Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.