Diɛt 95 - JAM DE NHIALIC 2011

Din de Piɔ̈ny

¹ Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

² Lokku ë Yenɔm në miɔ̈c de thieithieei ku këtku diɛt ke miɛtëpiɔ̈u ku piɔ̈ny.

³ Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

⁴ Ee bɛ̈ny de pinynɔm ëbɛ̈n, gɔl në kɔ̈k thäär piny leer ë kur bär nïïm.

⁵ Wɛ̈ɛ̈r ee këde Bɛ̈nydït, në biäk ë looi en en ku ciɛk piny ril në cinke.

⁶ Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

⁷ Yen ee Nhialinyda, wok aye kɔckɛn tiit, amɛ̈lkɛn ye cääm, piɛŋkï kë lueel ee köölë:

⁸ “Duökï nïïm ee riɛl cï kuarkun ɣɔn në Meriba, wään tɔ̈u kek ee köölë në jɔ̈ɔ̈r de Matha yic.

⁹ Acïk Yɛn bɛ̈n them ëtɛ̈ɛ̈n, ku göönykï, cakaa ɣɔn cï kek kë cä luöi keek tïŋ.

¹⁰ Në run kathiërŋuan ke ya man ee kɔckë. Guɔ lueel an, ‘Ee ciɛ̈n gäm cït ŋö cath kekë kɔcë! Acïk löŋdï rɛɛc gam.’

¹¹ Yɛn aa cï göth ku kuɛ̈ɛ̈ŋ an: ‘Wek cïï bï lɔ piny bän week gäm lɔ̈ŋ thïn.”’