Diɛt 87 - JAM DE NHIALIC 2011

Piɔ̈ny de Jeruthalem

¹ Bɛ̈nydït ë pänydïïtde yïk në kuur cï thieei nɔm,

² anhiaar Dhiɔn awär ɣään kɔ̈k nu ë Yithriɛl, anhiaar pänydït de Jeruthalem.

³ Piëŋë yïn pänydït de Nhialic, piŋ kadït cï keek lueel në biäkdu.

⁴ Yɛn bï Rip kekë Babilon tääu thïn ku kɔc ke Pilithiin kekë Tayer ku kɔc ke Kuc, abä keek kuɛɛn ë kɔc ceŋ Jeruthalemic të la Yɛn juöör ee Yɛn riëëu gɔ̈ɔ̈r rin.

⁵ Ku abï lueel në këde Dhiɔn an, “Juöör kedhie aake tɔ̈u ëtɛ̈ɛ̈n” ku acï Bɛ̈nydït Awärjäŋ tɔ ril.

⁶ Bɛ̈nydït abï kuën de kɔc gɔ̈ɔ̈r ku abï keek mat në kɔc ceŋ Jeruthalem yic kedhie.

⁷ Abïk aa cɔ̈ŋ ku kitkï an, “Dhiɔn ee tën ë gɔl athiɛɛida rɔt thïn ëbɛ̈n.”