Diɛt 86 - JAM DE NHIALIC 2011

Lɔ̈ŋ de Kuɔɔny

¹ Bɛ̈nydït piŋ lɔ̈ŋdï, ku bɛ̈ɛ̈rë ë lɔ̈ŋdï, në luöi kääc ɛn ku ciën kony.

² Luäk wëikï në thuɔɔu në luöi ee yɛn Yïn luööi, luäk ɛn në baŋ ee yɛn awundu ku ya Yïn ŋɔ̈ɔ̈th.

³ Yïn ee Nhialicdï, ka Yïn kokëpiɔ̈u we yɛn Yïn ya lɔ̈ŋ aköölnyïïn.

⁴ Bɛ̈nydït tɔ awundu mit piɔ̈u, në biäk ye lɔ̈ŋdï lɔ tëde Yïn nhial.

⁵ Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

⁶ Bɛ̈nydït piŋ lɔ̈ŋdï, piŋ dhiëndiën kaar ɛn kuɔɔny.

⁷ Yïn aa cɔɔl akööl ke nuan, në biäk Yïn lɔ̈ŋdï bɛ̈ɛ̈r.

⁸ Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

⁹ Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

¹⁰ Yïn dït aläl ku ye kadït ke gäi looi. Yïn Yïtök Yïn aye Nhialic.

¹¹ Wɛ̈ɛ̈të ë yɛn Bɛ̈nydït, në kë kɔɔr bä looi. Ku Yïn bä riëëu në piɔ̈n adöt. Wɛ̈ɛ̈të ë yɛn bä Yïn luööi në piɔ̈n tök.

¹² Bɛ̈nydït Nhialicdï, Yïn bä ya leec në piɔ̈ndï ëbɛ̈n, yɛn bï dhuëëŋdu luɛɛl aɣet athɛɛr.

¹³ Yïn cï ya nhiaar ë nhiëërduön agɔk! Yïn cï yɛn luäk bei paan ë thuɔɔu.

¹⁴ Kɔc de gup lɛc amɛkkï yɛn Bɛ̈nydït, kuut de kɔc ee karɛc looi akɔɔrkï bïk a nɔ̈k, kɔc cïï Yïn ee riëëu.

¹⁵ Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

¹⁶ Wël ë rɔt ɛn ku kokëpiɔ̈u we yɛn, gämë ë ya riɛl ku kony awundu, në luɔi yan Yïn luööi, cït man ye maar ye looi.

¹⁷ Bɛ̈nydït nyuöthë yɛn piathdu, ago kɔc ee yɛn man yäär, të le kek e tïŋ nɔn cïï Yïn ya gäm kuɔɔny kekë duöt de piɔ̈u.