Diɛt 85 - JAM DE NHIALIC 2011

Lɔ̈ŋ në biäk de Piath ë Wut

¹ Bɛ̈nydït Yïn ee piɔ̈u kok wekë pinydu, Yïn cï kɔc ke Yithriɛl bɛ tɔ de nïïm käŋ.

² Yïn cï kɔcku päl karɛcken, ku pälë keek awɛ̈ɛ̈cken kedhie.

³ Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

⁴ Nhialic Bɛ̈nyda pɔ̈kë wonïïm ciëën, ku päl luɔi yïn piɔ̈u diu we wook.

⁵ Bä piɔ̈u aa diu we wook aɣet athɛɛr? Cï agönhdu bï bɛ kɔ̈ɔ̈c?

⁶ Bɛ ë wook tɔ ril, ku wook, wok kɔcku Yïn buk piɔɔny.

⁷ Bɛ̈nydït nyuöthë wook nhiëërduön agɔk, ku miɔc wook në kuɔɔny de luääk.

⁸ Yɛn piŋ kë lueel ë Bɛ̈nydït Nhialic, acï wook lɛ̈k gutguut ë biäk de mät, wook kɔc ke naamde, na cukku be lɔ në kuɛɛrkuɔn raciic.

⁹ Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

¹⁰ Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

¹¹ Piɔ̈n adöt de kɔc abï rɔt mɔc nhial piny, ku piathëpiɔ̈u de Nhialic abï piny woi tënhial.

¹² Bɛ̈nydït abï wook tɔ kueth, ku pinyda abï dɛ rɛɛp juëc.

¹³ Piathëpiɔ̈u abï lɔ ë Bɛ̈nydït nɔm ku le kueer luöi yen.