Diɛt 82 - JAM DE NHIALIC 2011

Nhialic Yen ee Bɛ̈nydït

¹ Nhialic ë nyuc tëde ë löŋdɛn athɛɛr nɔm, ku jɔ löŋ guiir ë tuucnhial yiic,

² “Wek bï kuöc guiëër de löŋ dhil pɔ̈l, ku duökï kɔc rac ee bɛ kony!

³ Yak yic de kɔc kuanynyïïn kekë mïth abɛɛr gël, yak kɔc cïn käŋ ku kɔc kɔ̈c luööi apiɛth.

⁴ Kuɔnykï keek tëde riɛl ë kɔc ee karɛc looi.”

⁵ Acïnkï ŋïny de käŋ ku yöŋ de käŋiic, ayek cath ë mɔ̈ɔ̈thic, këërkëër de piny acï ke lath kedhie.

⁶ Aya lueel an, wek tuucnhial wedhie, wek ee mïth ke Nhialic Awärjäŋ.

⁷ Ku wek bï thou cït man ë kɔc, runkun abïk aa thök në pinynɔm cït man ë run ke wɛ̈ɛ̈t bäny.

⁸ Bäär Nhialic, ku muk pinynɔm, juöör ëbɛ̈n ayek kaku!