Diɛt 76 - JAM DE NHIALIC 2011

Nhialic Raan ee Tiam

¹ Nhialic aŋic ë Juda, rinke aye ke riëëu ë Yithriɛl.

² Ade nɔm paande ë Jeruthalem, arɛ̈ɛ̈r në kuur ë Dhiɔn nɔm.

³ Go dhɛ̈ŋ ke kɔc ke ater dhoŋ kɔ̈ɔ̈th ëtɛ̈ɛ̈n, ku dhoŋ köötken ku tɔɔŋken, ee yic ku kakɛn ë tɔŋ kedhie.

⁴ Nhialic, eeŋö de Yïn guöp dhuëëŋ aya! Tïŋ dhuëëŋdu wään bïï Yïn ë kur nïïm të wään tiɛɛm Yïn kɔc ke aterdu thïn.

⁵ Jöötkɛn ril ke tɔŋ, acï keek yak ë kakɛn tɔ̈u tëde keek kedhie ku ënɔɔnë aninkï ë nïn ë thuɔɔu, riɛlden ëbɛ̈n kekë pɛlden ëbɛ̈n acï ciën naamde.

⁶ Wään guɛ̈ɛ̈k Yïn keek Nhialic de Jakop, jöŋgöör kekë kɔc nu në kekɔ̈ɔ̈th acïk wïïk ku thoukï.

⁷ Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

⁸ Guëërduön ë luk acï tɔ ŋic paannhial, go pinynɔm riɔ̈ɔ̈c ku miim thok,

⁹ të jɔt ë Nhialic rɔt ku teem löŋ, bïï kɔc yɔŋ keek kony kedhie ë pinynɔm.

¹⁰ Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

¹¹ Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

¹² ee wɛ̈ɛ̈t meliik ee röt lɛɛc kuɔɔr piny, ku tɔ meliik dït riɔ̈c.