Diɛt 64 - JAM DE NHIALIC 2011

Lɔ̈ŋ de Gël

¹ Nhialic piŋ lɔ̈ŋdï, yɛn cï nuan! Yɛn cï riɔ̈ɔ̈c në kɔc ke aterdï, kony wëikï!

² Thian ɛn në kiɛɛr rɛɛc de kɔc ee karɛc looi, kony a në kɔc juëc ee karɛc looi.

³ Acïk keliëp theer cït abätɛ̈ɛ̈u, ku wëlken acïtkï wiɛth ke dhɛ̈ŋ.

⁴ Ayek raan cïn kë cï wööc buuth ku muuckï, ayek moc ëthiäu ke ke cïï gup riɔ̈c.

⁵ Ayek röt coc në kïït de kërac, ayek jam në baŋ bïï kek wïn ë dɛ̈p thiaan piny, ayek lueel an, “Cïn raan bï keek tïŋ.”

⁶ Ayek kiɛɛr rac tak, ku luelkï an, “Wok cï gök de kërac looi.” Në thuuth ë täŋ de mɛnh ë raan.

⁷ Ku abï Nhialic ke dap moc në wiɛth ke dhaŋde ëthiäu, ku jɔ keek guɔ yiëk gup tëtöök.

⁸ Liemden yen abï keek lɛɛr në riääkic, kɔc bï ke tïŋ, abïk kenïïm aa bet.

⁹ Ku raan ëbɛ̈n abï riɔ̈ɔ̈c, ku abïk nïïm aa tak në kë cï Nhialic looi, ku lueelkï ka cï ke looi.

¹⁰ Takï kɔc piɛthpiɔ̈ɔ̈th mit piɔ̈ɔ̈th, në biäk de kë cï Bɛ̈nydït looi. Abïk aa thiaan në Yeyic, ku abïï kɔc lɔ piɔ̈ɔ̈th wai piɔɔny kedhie.