Diɛt 61 - JAM DE NHIALIC 2011

Lɔ̈ŋ de Gël

¹ Piŋ dhiëndï Nhialic, ye lɔ̈ŋdï piŋ!

² Në piny thar ciëën yen aa yan Yï cɔɔl! Lɛɛrë yɛn tëde kuɔɔny,

³ në baŋ ee Yïn konydï, alooc bäär ë ya luök në kɔc ke aterdï,

⁴ Tɔ ye rɛ̈ɛ̈r ɣöndu në akööl ke pïïrdï yiic kedhie, tɔ ya yök luääk në yï wuök.

⁵ Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

⁶ Tääuwë run juëc në pïïr de melikic, tɔ pïïr anande!

⁷ Tɔ ye bɛ̈ny në Nhialic nɔm aɣet athɛɛr, ku nhiëërduön agɔk kekë piɔ̈nduön adöt abïk yen aa tiit.

⁸ Aguɔ Yïn aa piɔɔny në diɛt aköölnyïïn, të yan Yïn miɔɔc aköölnyïïn, në ka cän gutguut lueel.