Diɛt 6 - JAM DE NHIALIC 2011

Lɔ̈ŋ de Kuɔɔny në Akööl ke Nuan

¹ Du göth we yɛn Bɛ̈nydït, ku dui ɛn. Du yɛn lui këtuc në agɔ̈th!

² Kokëpiɔ̈u we yɛn Bɛ̈nydït, yɛn cï dak! Miɔc ɛn në riɛl, yɛn cï bäp taitai

³ ku wëikï ëbɛ̈n acïk nuan arëët. Bä ya jɔ kony nɛn Bɛ̈nydït?

⁴ Bä kony a Bɛ̈nydït, luäkë ya bei në biäk de nhiëërduön agɔk.

⁵ Acïn raan ee Yïn tak paan ë thuɔɔu, acïn raan duëër Yïn leec ëtɛ̈ɛ̈n.

⁶ Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

⁷ Yɛn cï nyin tuööp, ku buutë yanyin në dhiën cïï kɔc ke aterdï ya tɔ dhiau.

⁸ Jälkï në yalɔ̈ɔ̈m kɔc rac! Bɛ̈nydït acï dhiëndï piŋ,

⁹ Ë dhiëndiën kaar ɛn kuɔɔny piŋ ku puk lɔ̈ŋdï nɔm.

¹⁰ Kɔc ke aterdï abïk tuöc ë thok de ayär ë tiëm tïŋ, gokï jäl ëthiäu ke ke cï nïïm nuɔɔn.