Diɛt 58 - JAM DE NHIALIC 2011

Nhialic Aläŋ bïï Kɔc rac Luöi Këtuc

¹ Wek bäny, yak göny ŋiëc guiir? Yak göny ke kɔc kedhie ŋiëc guiir apiɛth?

² Ei! Ee kërɛɛc kɔɔr bä looi yen ye tak, ku ye kërɛɛc de akuöörkuöör looi në pinynɔm.

³ Kɔc rac ayek karɛc looi në pïïrden yic ëbɛ̈n, ayek lueth gɔl ë tör të dhiëëthë keek.

⁴ Acïk thiäŋ në wurïï cï man ë karɛc, acïk yïth lɔ dïu cït lualdït cï miŋ,

⁵ cïï röl de din ee karɛc cam ee piŋ, ayï awuɔɔu de tiët pel.

⁶ Nhialic dhoŋ lec ee kɔ̈ɔ̈r cï wäth.

⁷ Tɔ ke riäär cït man ye pïïu kuëër wei, tɔ ke dum yiic cït rɛɛp nu ë kueeric.

⁸ Tɔ ke cït kɔl ee lɛ̈ɛ̈ŋ ke ye miök. Tɔ ke cït mɛnh athɔ̈ɔ̈r bei cïï akɔ̈l ee tïŋ.

⁹ Të ŋoot kek ke kënkï ŋic, abïï ke tɛɛm piny cï wal, në ŋeenyde abï ë Nhialic ke kuɔɔth wei, ke ke ŋoot ke ke pïïr.

¹⁰ Kɔc piɛthpiɔ̈ɔ̈th abïk piɔ̈ɔ̈th miɛt të le kek kɔc rac tïŋ aluiyë keek këtuc, abïk kecök waak në riɛm de kɔc rac yiic.

¹¹ Abïï kɔc aa lueel an, “Ee yic ade athiɛɛi tëde kɔc piɛthpiɔ̈ɔ̈th, ee yic ade Nhialic nu Nhialic ee pinynɔm luöi këtuc.”