Diɛt 57 - JAM DE NHIALIC 2011

Lɔ̈ŋ de Kuɔɔny

¹ Nhialic kokëpiɔ̈u në yɛn, kokëpiɔ̈u në yɛn, në luöi ee yɛn luääk kɔɔr tëde Yïn, ee riɛldu yen ee ya gël, agut të le amaŋ de riääk wan.

² Yɛn cɔl Nhialic dïït nhial, Nhialic ee yɛn gäm këriëëc kaar ëbɛ̈n.

³ Abï jamdï bɛ̈ɛ̈r paannhial ku kony ɛn, abï kɔc yɔŋ ɛn tiaam. Nhialic abï ya nyuöth nhiëërdɛn agɔk kekë piɔ̈ndɛn adöt.

⁴ Yɛn cïï kɔc ke ater gɛɛu cil, ka cït kɔ̈ɔ̈r ee kɔc cuet. Lecken acïtkï tɔɔŋ ku wiɛth ke dhaŋ, ku liëpken acïtkï abätɛ̈ɛ̈u moth thook.

⁵ Nhialic nyuɔɔthë Dïtdu paannhial, kekë dhuëëŋdu në pinynɔm ëbɛ̈n.

⁶ Kɔc ke aterdï acïk bɔi luaai piny bïk ya dɔm, yɛn cïï ë riɔ̈ɔ̈c dɔm. Acïk kueerdï wɛ̈c yic pul, ku acïk lööny thïn gupken.

⁷ Yɛn de nɔm aŋäthdït Nhialic, yɛn bï ket ku piaany yïn!

⁸ Jɔt rɔt piɔ̈ndï, jɔt rɔt! Jɔt rɔt thomdï wekë aruöördï! Yɛn bï akɔ̈l pɔ̈ɔ̈c.

⁹ Yïn bä leec Bɛ̈nydït në juööriic, yïn bä piɔɔny në kɔc yiic.

¹⁰ Nhiëërduön agɔk adït, aɣet paannhial, ku piɔ̈nduön adöt aɣet ë luäätiic.

¹¹ Nhialic nyuɔɔthë dïtdu paannhial, kekë dhuëëŋdu në pinynɔm ëbɛ̈n.