Diɛt 54 - JAM DE NHIALIC 2011

Lɔ̈ŋ de Luääk tëde Kɔc ke Ater

¹ Kony yɛn në riɛldu Nhialic, lony yɛn në riɛldu.

² Piŋ lɔ̈ŋdï Nhialic, piŋ wëlkï.

³ Kɔc ee röt lɛɛc abïk ya bɛ̈n mak, kɔc rac piɔ̈ɔ̈th akɔɔrkï bïk ya nɔ̈k, kɔc cie diɛɛr në Nhialic.

⁴ Ku Nhialic ee konydï. Bɛ̈nydït yen ee raan ee ya luök.

⁵ Nhialicdï abï kërɛɛcden nööm dui yen kɔc ke aterdï. Abïï keek riɔ̈ɔ̈r në baŋ yen piɔ̈u adöt.

⁶ Yïn bä gäm miɔ̈c de miɛtëpiɔ̈u Bɛ̈nydït, yïn bä lɛc nɔm, në baŋ piɛth yïn.

⁷ Yïn cï ya luök në nuɛɛnkï yiic kedhie, ku yɛn cï kɔc ke aterdï tïŋ ke ke cï tiaam.