Diɛt 53 - JAM DE NHIALIC 2011

Rɛ̈ɛ̈c de Kɔc

¹ Aye dhän lueel në kepiɔ̈ɔ̈th an, “Acïn Nhialic.” Acïk riääk, ku acïk karɛc looi, acïn raan töŋ nu raan ë yic looi.

² Nhialic ee kɔc woi piny paannhial, bïï tïŋ na de raan pel, na de raan ee ye lam.

³ Ku kɔc kedhie acïk röt yal wei, keek arackï kedhie. Acïn raan tök në ke yiic ee yic looi, acakaa raan tök tei aliu.

⁴ Nhialic ee lop an, “Kek kɔc rac kuckï käŋ? Ayek pïïr në rum ye kek kɔckï rum, ku acïkï yɛn ee lɔ̈ŋ ë taitai.”

⁵ Ku ëtɛ̈ɛ̈n abïk jɔ riɔ̈ɔ̈c, ë riɔ̈ɔ̈c kënkï kɔn tïŋ, në luɔi bï Nhialic yom de kɔc ke aterde thiɔ̈i. Acïï Nhialic keek rɛɛc, abï Yithriɛl keek tiaam taitai.

⁶ Yɛn ee lɔ̈ŋ aläl bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï ë kɔc ke Yithriɛl piɔ̈ɔ̈th miɛt, të le ë Nhialic ke bɛ tɔ kueth!