Diɛt 52 - JAM DE NHIALIC 2011

Guiëër ë Löŋ ku dhuëëŋdepiɔ̈u

¹ Eeŋö ee yïn rɔt lɛɛc në kërɛɛcdu, raan ril? Eeŋö yïn kërac luöi kɔc piɛthpiɔ̈ɔ̈th. Piɔ̈n adöt ë Nhialic ee tɔ̈u athɛɛr.

² Yïn ee käŋ kiëët bä kɔc kɔ̈k riɔ̈ɔ̈k, liemdu acït rën moth. Yïn ee cool ë luel tör.

³ Yïn nhiaar kërac awär këpiɛth, yïn nhiaar tör awär yith!

⁴ Yïn nhiaar jam rac ëbɛ̈n, yïn ee liem rɛɛcë!

⁵ E yic Nhialic abï yïn riɔ̈ɔ̈k aɣet athɛɛr, abï yïn dɔm ku gɔp yïn yic paandu, abï yïn nyaai piny de kɔc pïïr.

⁶ Kënë abïï kɔc piɛthpiɔ̈ɔ̈th tïŋ ku riɔ̈ckï, ku abïk yïn dɔl guöp luelkï an,

⁷ “Tiëŋkï raan kï raan cïï rɔt ee kan ë Nhialic bïï ya konyde, ku ee wëukɛn juëc ŋɔ̈ɔ̈th, ku ye rɔt tiit në kërɛɛc ye looi.”

⁸ Ku yɛn cït tim de olip tɔ̈c nu ɣön ë Nhialic yic, yɛn ee nhiëër agɔk de Nhialic ŋɔ̈ɔ̈th aɣet athɛɛr.

⁹ Nhialic, yïn bä leec aɣet athɛɛr, në biäk de kë cï looi. Yɛn bï piath de rinku leec, në kuut de kɔckuön piɛthpiɔ̈ɔ̈th nïïm.