Diɛt 51 - JAM DE NHIALIC 2011

Lɔ̈ŋ de Päl de Karɛc

¹ Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

² Waakë karɛckï wei kedhie ku tɔ ya piath guöp në karɛckï!

³ Në baŋ ye awɛ̈ɛ̈ckï, ku karɛckï ya wat aköölnyïïn.

⁴ Yɛn cï kërac luöi Yïn, ee Yïn Yïtök Yïn acä luöi kërac, ka Yïn de nɔm yic në luöi bï Yïn ɛn luöi këtuc. Ku Yïn cïn guöp awäc të lui yïn ɛn këtuc.

⁵ Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

⁶ Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

⁷ Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

⁸ Tɔ ya piŋ röl ë miɛtëpiɔ̈u kekë dɔl, tɔ yom cï dhuööŋë be piɔ̈ɔ̈th miɛt.

⁹ Kum yïnyin në karɛckï, ku cuthë karɛckï bei ëbɛ̈n.

¹⁰ Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

¹¹ Du ya nyiɛɛi në Yïlɔ̈ɔ̈m, du Wëidïtkuön ɣer jɔt tëde yɛn.

¹² Bɛ ë ya pɔ̈k nɔm miɛtëpiɔ̈u de kuɔɔnydu, ku muk ɛn në wëi piath.

¹³ Ku yɛn bï kɔc ee karɛc looi wɛ̈ɛ̈t në lööŋku, ka abïk röt dhuöny Yïn.

¹⁴ Luäk ɛn në kɔc rac ee kɔc nɔ̈k, kony wëikï ku liemdï, ke ya bï konyduön ë wëi piɔɔny.

¹⁵ Bɛ̈nydït, liep a thok, ke thoŋdï abï lɛcdu nyuɔɔth,

¹⁶ Yïn cïï piɔ̈u ee miɛt ë miɔ̈c näk, aduɛ̈ɛ̈r keek bɛ̈ɛ̈i, yïn cïï piɔ̈u ee miɛt në miɔ̈c ye nyop ëbɛ̈n.

¹⁷ Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

¹⁸ Nhialic tɔ Yïpiɔ̈u kok wekë Dhiɔn, ku kuɔnyë bɛ ë päny de Jeruthalem nyɔk në yïk.

¹⁹ Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.