Diɛt 47 - JAM DE NHIALIC 2011

Bɛ̈nydït nu ë Kɔc Nïïm

¹ Wek kɔc wedhie, pamkï wecin në miɛtëpiɔ̈u! Pianykï Nhialic në röldït!

² Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

³ Acï wo tɔ tiam kɔc, ayï juöör abïk nu në wocök.

⁴ Acï wo lɔ̈c piny rɛ̈ɛ̈r wok thïn, piny cï leec, piny de kɔckɛn nhiɛɛr.

⁵ Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.

⁶ Kɛ̈tkï diɛt ke piɔ̈ny Nhialic, kɛ̈të diɛt ke piɔ̈ny melikda!

⁷ Nhialic ee Melik de pinynɔm ëbɛ̈n, pianykï në Diɛt!

⁸ Nhialic ë nyuc në thöönydɛn ɣeric nɔm, ee Yen ee bɛ̈ny de juöör.

⁹ Bäny ke juöör acïk kenïïm kut, në kɔc ke Nhialic de Abraɣam. Raan ril wär rɛm ke tɔŋ kedhie ee Yen, Raandït nu ë kɔc nïïm kedhie.