Diɛt 43 - JAM DE NHIALIC 2011

Lɔ̈ŋ de Raan cï Peec

¹ Nhialic, tɔ yɛn ee raan cïn guöp awäc, ku kony göönydï, tëde kɔc kuc Nhialic, kony ɛn në kɔc ee kɔc math ku kɔc ee karɛc looi!

² Yïn ee Nhialic yan tëde thiaan yök. Eeŋö reec Yïn ɛn? Eeŋö duëër ɛn cath ke ya yɔŋ në kɔc ke ater cïn nïïm kokdepiɔ̈u?

³ Tuöcë yɛn ɣɛɛrdu ku yithku, bïk ɛn wat, tɔ ke bïï yɛn të de kuurduön agɔk, tëduön ye Yïn rëër.

⁴ Aguɔ jɔ lɔ tëde yïïŋ de Nhialic, në miɛtëpiɔ̈u ku dhuëëŋ de piɔ̈ndï. Yïn bä leec në diɛt ke thom, Yïn Nhialicdï, Nhialicdï.

⁵ Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.