Diɛt 41 - JAM DE NHIALIC 2011

Lɔ̈ŋ de Raan de Guöp Jɔk

¹ Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

² Abï Bɛ̈nydït ke gël apiɛth ku tɔ ke rɛ̈ɛ̈r, ku abï ke thieei pinyden, ku acïï ke bï tɔ tiɛɛm ë kɔc de kek ater.

³ Abï Bɛ̈nydït ke kuɔny të de kek gup jɔk, ku tɔ ke piɔl gup.

⁴ Aguɔ lueel an, “Kokëpiɔ̈u we yɛn Bɛ̈nydït, ku tɔ ya piɔl guöp, yɛn cï awäc luöi Yïn.”

⁵ Kɔc de wok ater ayek ɛn cäk guöp karɛc. Akɔɔrkï nɔm bän thou, ago kɔc nïïm määr në yɛn.

⁶ Kɔc kɔ̈k ayek röt kɔ̈c an bïk ɛn bɛ̈n tïŋ ku acie yic ayek ka nhiany bɛ̈n määtiic në biäkdï, ku lek keek kiɛɛu ëbɛ̈n.

⁷ Kɔc man ɛn ayek ɛn tum guöp ë röt kapäc ku luëlkï yaguöp kërac ëbɛ̈n.

⁸ Ayek lueel an, “Acï tɔ̈ɔ̈k dïl nɔm, acie raan bï rɔt kɔn bɛ jɔt në biɔ̈ɔ̈k yic anande.”

⁹ Mäth man ŋääth aläl, raan ë ye wok cam ë tök, ë rɔt pɔ̈k ɛn.

¹⁰ Kokëpiɔ̈u we yɛn Bɛ̈nydït, ku jatë ë yɛn nhial, ke ke bä lɔ cuööt.

¹¹ Acïkï ya bï bɛ tiaam, ku abä ŋic nɔn mit yïn piɔ̈u wekë yɛn.

¹² Yïn bï ya kuɔny, në biäk de rëërdiën piɛth, yïn bï ya tɔ tɔ̈u në Yïlɔ̈ɔ̈m aɣet athɛɛr.

¹³ Pianykï Bɛ̈nydït, Nhialic de Yithriɛl! Pianykï ënɔɔnë aɣet athɛɛr! Amiin! Amiin!