Diɛt 4 - JAM DE NHIALIC 2011

Lɔ̈ŋ Athɛ̈i de Kuɔɔny

¹ Ye ya piŋ thok të läŋ ɛn, Yïn Nhialic konydï! Ɣɔn täu ɛn ë nuanic, Yïn cï ya bɛ̈n kony. Kokëpiɔ̈u we yɛn, ku piŋ lɔ̈ŋdï.

² Wek kɔc, bäk ɛn jɔ yɔŋ agut cï nɛn? Bäk ka ɣääriic jɔ nhiaar agut cï nɛn ku jakï cath në lueth cök?

³ Ŋiɛckï apiɛth, nɔn cï Bɛ̈nydït kɔc piɛthpiɔ̈ɔ̈th lɔc bïk aa kɔc ke naamde, ku ee ya piŋ thok të caal ɛn En.

⁴ Takï röt lɛth ë riɔ̈ɔ̈c, ku pälkï awɛ̈ɛ̈c, cätkï wenïïm apiɛth, të cä wek tɔ̈c ë lik në biökkun nïïm.

⁵ Gämkï Bɛ̈nydït miɔ̈c näk agɔk, ku tääukï aŋäthdun ë Yeguöp.

⁶ Ade kɔc juëc ee lɔ̈ŋ an, “Ee tënou bï këpiɛth bɛ̈n thïn? Ye ɣɛɛrdu tɔ mer wook!”

⁷ Ku miɛtëpiɔ̈u cï gäm ɛn adït awär kë bïk yök ë caŋ ɣɔn në rɛɛpken, ku mäuken ëbɛ̈n.

⁸ Të cän tɔ̈c piny, yɛn ee niin ë mät, Ee Yïn Bɛ̈nydït Yïtök, ee Yïn ee yɛn gël apiɛth.