Diɛt 33 - JAM DE NHIALIC 2011

Din de Piɔ̈ny

¹ Miɛtkï piɔ̈ɔ̈th në Bɛ̈nydït yic, wek kɔc piɛthpiɔ̈ɔ̈th! Lɛckï, wek kɔc ee yen riëëu wedhie.

² Lɛckï Bɛ̈nydït në thom, kɛ̈tkï diɛt ë thom de yic wïïn.

³ Kɛ̈tkï din ë piacë cak, guötkï thom në tëët, ku miɛtëpiɔ̈u!

⁴ Jam de Bɛ̈nydït ee yic ku luɔide ëbɛ̈n aye looi në piɔ̈n adöt.

⁵ Anhiaar piathëpiɔ̈u ku yic, nhiëër agɔk de Bɛ̈nydït athiäŋ pinynɔm.

⁶ Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

⁷ Ku mɛt pïïu ke wɛ̈ɛ̈r nïïm tëtök kedhie, ku tɛ̈ɛ̈u pïïu ke abäpdit tëdɛn kɔɔr.

⁸ Riëëukï Bɛ̈nydït guöp wek kɔc ke piny wedhie, lamkï Bɛ̈nydït wek kɔc pinynɔm wedhie!

⁹ Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

¹⁰ Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

¹¹ Ku kïït de Bɛ̈nydït ee tɔ̈u anande, ku kë cï cät ee tɔ̈u aɣet athɛɛr.

¹² Thieithieei në jur ye Nhialicde Bɛ̈nydït, thieithieei në kɔc cï ke lɔc bïk aa kɔcke.

¹³ Bɛ̈nydït ee luïït paannhial, go raan ëbɛ̈n tïŋ.

¹⁴ Ee kɔc cieŋ piny nɔm ëbɛ̈n tïŋ, ke rɛ̈ɛ̈r tëdɛn muk en bääny.

¹⁵ Ee yen aa loi piɔ̈ɔ̈thken, ku aŋic këdɛn yek looi ëbɛ̈n.

¹⁶ Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

¹⁷ Jöŋgöör ke tɔŋ acïkï duëër tiam kapäc, acïï riɛldɛn dït ke duëër kony.

¹⁸ Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

¹⁹ Aye ke luök në thuɔɔu, aye ke tɔ pïïr në akööl ke cɔk.

²⁰ Ka wok, ee Bɛ̈nydït ŋɔ̈ɔ̈th, ee yen ee konyda ku könda.

²¹ Wok mit piɔ̈ɔ̈th në yen, në luɔi ye wok rinkɛn ɣeriic ŋɔ̈ɔ̈th.

²² Ye wo nyuöth nhiëërduön agɔk Bɛ̈nydït, të cï wok yï ŋɔ̈ɔ̈th.