Diɛt 3 - JAM DE NHIALIC 2011

Lɔ̈ŋ Amiäk ë Biäk de Kuɔɔny

¹ Bɛ̈nydït, yɛn de nɔm kɔc ke ater juëc, kɔc göth në yɛn ajuëckï aläl.

² Ayek ɛn jääm guöp luelkï an, “Acïï Nhialic bï luök.”

³ Ku Yïn Bɛ̈nydït, Yïn aye köndiën ee ya gël ë katuc, Yïn ee ya tɔ tiëm, ku rit a piɔ̈u.

⁴ Yɛn ee Bɛ̈nydït cɔɔl, go ya piŋ thok në kuurdɛn ɣeric nɔm.

⁵ Yɛn ee tɔ̈c piny ku niɛɛn, Bɛ̈nydït ee ya gël në wɛ̈ɛ̈ric ëbɛ̈n,

⁶ ka yɛn cie riɔ̈ɔ̈c në aguum ke kɔc ke ater, cï ya tuɔɔk në ɣään yiic kedhie.

⁷ Bä Bɛ̈nydït! Nhialinydï, Luäk ɛn! Yïn bï kɔc ke aterdï luöi këtuc, ku abä ke tɔ cïn riɛl bïï kek a luöi këtuc.

⁸ Tiëm ee bɛ̈n tëde Bɛ̈nydït, Bɛ̈nydït abï kɔcke thieei.