Diɛt 29 - JAM DE NHIALIC 2011

Röl de Nhialic në Amaŋic

¹ Pianykï Bɛ̈nydït, wek tuucnhial ke paannhial, Pianykï dhuëëŋde ku riɛlde.

² Pianykï rin ke Bɛ̈nydït de gup dhuëëŋ, lamkï Bɛ̈nydït ɣeric, ɣöndɛn ɣeric.

³ Röl de Bɛ̈nydït aye piŋ ë pïïu nïïm, Nhialic de dhuëëŋ ee rel, Bɛ̈nydït ee rel në abäpdit nɔm.

⁴ Röl de Bɛ̈nydït aye piŋ, në riɛlde ëbɛ̈n ku bääny.

⁵ Röl de Bɛ̈nydït ee tiim ke thidar dhuööŋ, ayï thidar ke Lebanɔn.

⁶ Ee kur ke Lebanɔn tɔ cɔ̈ŋ cït man akɛ̈ɛ̈l, ku riäŋ kuur de Ɣermon cï thɔn atiëëk.

⁷ Röl ë Bɛ̈nydït ee deŋ tɔ bir,

⁸ Röl ë Bɛ̈nydït ee jɔ̈ɔ̈r nieeŋ, ee jɔ̈ɔ̈r de Kadec nieeŋ,

⁹ Röl ë Bɛ̈nydït ee tiim ke ɣok nieeŋ, ku teŋ yïth ke tiim piny në tiim nïïm go kɔc nu Luaŋdït ëbɛ̈n cööt an, “Dhuëëŋ ee këde Nhialic!”

¹⁰ Bɛ̈nydït ee thööcde tääu në amool nɔm, amuk baai ke ye melik aɣet athɛɛr.

¹¹ Bɛ̈nydït ee kɔcke gäm riɛl, Bɛ̈nydït ee kɔcke thieei në mät.