Diɛt 24 - JAM DE NHIALIC 2011

Melik Dït

¹ Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

² Acï yïk piny ë pïïu nïïm, ku tɛ̈ɛ̈u këërkëërde në abäpdit thäär.

³ Eeŋa duëër lɔ nhial në kuur de Bɛ̈nydït nɔm? Eeŋa duëër kɔ̈ɔ̈c tëdɛn ɣeric?

⁴ Ee kɔc lɔ piɔ̈ɔ̈th wai ee kapiɛth looi, kɔc cïï yiëth ee lam kɔc cie kuëëŋ në lueth.

⁵ Abïï Bɛ̈nydït ke thieei ku kony keek, Abïï Nhialic ke tɔ cïn gup awɛ̈ɛ̈c.

⁶ Kɔc cït ee kakë kek abï bɛ̈n tëde Nhialic, kɔc ee bɛ̈n tëde Nhialic de Jakop.

⁷ Tuɛrkï athïïn thook, liepkï athïïn thɛɛr thook, ago melik dït bɛ̈n thïn.

⁸ Eeŋa yen ee melik dït? Ee Yen Bɛ̈nydïït, ril ku wɛ̈ɛ̈rjäŋ, Bɛ̈nydïït cï tiam ë tɔŋic.

⁹ Tuɛrkï athïïn thook, liepkï athïïn thɛɛr thook, ago melik dït bɛ̈n thïn.

¹⁰ Eeŋa yen ee melik dït? Cie Bɛ̈nydït de rɛm yen ee melik dït!