Diɛt 21 - JAM DE NHIALIC 2011

Piɔ̈ny de Tiëm

¹ Melik amit piɔ̈u Bɛ̈nydït, në luɔi cï yïn en gäm riɛl, ee piɔ̈u lɔyum në luɔi cï yïn en tɔ tiëm.

² Acï gäm kë kɔɔr ë yepiɔ̈u, yïn cï kën ë kɔɔr gäm en.

³ Acï gäm athiɛɛi dït, ku yiëkë nɔm göl de adhääp.

⁴ Acï yï lip në pïïr, go gäm en, acï gäm run juëc ke pïïr.

⁵ Dhuëëŋde adït në biäk de kuɔɔnydu, acï tɔ baŋ rin ku tɔ de dhuëëŋdït.

⁶ Athiɛɛidu acath ke yen aɣet athɛɛr, ku täudu ee ye thiɔ̈ɔ̈ŋ ë miɛtëpiɔ̈u.

⁷ Melik ee Bɛ̈nydït Awärjäŋ ŋɔ̈ɔ̈th, ku në biäk de nhiëër agɔk de Bɛ̈nydïït Awärjäŋ, abï rëër ke cïï wuuk.

⁸ Melik abï kɔc ke aterde peec kedhie, abï raan peec ëbɛ̈n raan man en.

⁹ Abïï ke riɔ̈ɔ̈k cït man ë lɔ̈k de mac të cï en tïc. Abïï Bɛ̈nydït ke riɔ̈ɔ̈k në agönhde, ku abï mac ke cam.

¹⁰ Acïn kuatdɛn bï döŋ ke pïïr, abïï melik ke nɔ̈k kedhie.

¹¹ Ayek kiɛɛrden looi, ku luikï Bɛ̈nydït kiɛɛr rac, ku acïkï bï tiam.

¹² Abï ke mɔ̈ɔ̈c në dhaŋde, ku abïk röt puk ku kɔtkï.

¹³ Yïn lecku Bɛ̈nydït, në riɛlduön dït, Yïn buk leec në diɛt në biäk de riɛldu.