Diɛt 20 - JAM DE NHIALIC 2011

Lɔ̈ŋ de Tiëm

¹ Bɛ̈nydït abï yï piŋ thok kööl cï nuan yï yök! Nhialic de Jakop abï yï gël!

² Abï yï tuöc kuɔɔny tëdɛn ɣeric ku yïn yïn luääk ë Kuur ë Dhiɔn nɔm.

³ Abï miɔ̈cdun gam ëbɛ̈n, ku mit piɔ̈u kekë ka yak näk En.

⁴ Abï we gäm kë kɔɔr ë piɔ̈ndun, ku tɔ we lëu këriëëc cäk kiëët ëbɛ̈n

⁵ Ku wok bï piɔ̈ɔ̈th jɔ miɛt në tiëm cï En we tɔ tiëm, ku jɔku dhuëëŋ de tiëmdu looi ke wo piɔny Nhialicda. Në Bɛ̈nydït gam lɔ̈ŋdu ëbɛ̈n.

⁶ Ënɔɔnë aŋiɛc luɔi bïï Bɛ̈nydït melikdɛn cï lɔc luök, abï këde bɛ̈ɛ̈r paannhialdɛn ɣeric, ku abï gäm tiëmdït ë riɛlde.

⁷ Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

⁸ Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

⁹ Tɔ melik tiëm Bɛ̈nydït, ye cɔ̈tda piŋ të cɔɔl wok Yïn.