Diɛt 149 - JAM DE NHIALIC 2011

Din de Piɔ̈ny

¹ Lɛckï Bɛ̈nydït! Kɛ̈të Bɛ̈nydït din ë piɛcë cak, pianykï në amatnɔm de kɔckɛn adööt yiic!

² Miɛtëpuɔ̈u yïn Yithriɛl në biäk de Aciëŋdu, luɔikï dhuëëŋ wek kɔc ke Dhiɔn në biäk de Meliŋdun!

³ Lɛckï rinke në cɔ̈ŋ, guötkï lɔ̈r, ku thom lɛɛc wek En.

⁴ Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

⁵ Tɔ kɔc ke Nhialic mit piɔ̈ɔ̈th ë tiëmden ku bïk ruu ke ke ket diɛt ke miɛtëpiɔ̈u ë wɛ̈ɛ̈ric ëbɛ̈n.

⁶ Tɔ ke woou ë röldït, të piɔɔny kek Nhialic, ke ke muk abätɛ̈ɛ̈ukɛn moth thook ë kecin

⁷ bïk juöör lɔ tiaam, ku bïk kɔc luöi këtuc,

⁸ bïk meliikken rek rekï bänykɛn ë kuɛɛt ke wëëth,

⁹ bïk juöör luöi këtuc cït man cï ë Nhialic ye lueel. Kënë ee tiëm de kɔc ke Nhialic. Lɛckï Bɛ̈nydït!