Diɛt 148 - JAM DE NHIALIC 2011

Pinynɔm ëbɛ̈n Acɔl bïk Nhialic Piɔɔny

¹ Lɛckï Bɛ̈nydït! Pianykï Bɛ̈nydït paannhial! Wek kɔc ceŋ tënhial ya.

² Lɛckï, wek tuucnhialke wedhie, Lɛckï, wek rem de tɔŋde ëbɛ̈n.

³ Lɛckï, wek yï akɔ̈l wekë pɛɛi, lɛckï, wek kuɛl riau.

⁴ Lɛckï, wek kanhial ke paannhial, ku wek pïïu nu nhial ya.

⁵ Takï keek lec rin ke Bɛ̈nydït! Acï jam, ago ke cak,

⁶ Në jamde acïk röt tääu tëden aɣet athɛɛr, ku acïkï duëër rɛɛc thok.

⁷ Lɛckï Bɛ̈nydït në piny nɔm, lɛckï, wek ŋuäldït cï cak wïïr, ku abäpdit thuthiic.

⁸ Wek yï wïl ë deŋ ku deŋ ë kɔi ku luäät. Ku yomdïït ee jamde piŋ.

⁹ Lɛckï, wek kur dït ku kur kor, ku tiim ee cam ku tiim ke roor!

¹⁰ Läi roor ku ɣɔ̈k kedhie, kak ee mol piny, ku diɛt ee päär!

¹¹ Lɛckï, wek meliik ku kɔc ke pinynɔm kedhie, wɛ̈ɛ̈t meliik ku bäny kɔ̈k ke pinynɔm kedhie,

¹² Dhuök ku diäär kor kedhie, ku röördït ku mïth aya.

¹³ Takï keek lec rin ke Bɛ̈nydït kedhie! Rinke kek adït në rin ëbɛ̈n, dhuëëŋde anu ë pinynɔm ku paannhial.

¹⁴ Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!