Diɛt 143 - JAM DE NHIALIC 2011

Lɔ̈ŋ de Kuɔɔny

¹ Bɛ̈nydït piŋ lɔ̈ŋdï! Piŋ ka kaar keek, bɛ̈ɛ̈rë keek në piɔ̈nduön adöt në piathëpiɔ̈ndu!

² Du awundu tɛ̈ɛ̈u ë thëmic, acïn raan cïn guöp awäc ë yïnyin.

³ Kɔc ke aterdï acïk ɛn cop, acïk wëikï duöm piny, ku tɛ̈ɛ̈ukï ya në alooc colic yic, cït man ë kɔc cï thou thɛɛr.

⁴ Yɛn cï thiɔ̈k wo luöi bän bäp, yɛn cï dak aläl.

⁵ Yɛn cï nïn cï wan tak, yɛn ee ka wään cï looi tak, kajuëc wään cï looi anukï ë yanɔm.

⁶ Yɛn ee yacin täär yïn ë lɔ̈ŋ, cït man de piny cï riɛl piɔ̈ndï ë yal ë yïn.

⁷ Bɛ̈nydït bɛ̈ɛ̈rë lɔ̈ŋdï ënɔɔnë! Yɛn cï nɔm ciën aŋäth ëbɛ̈n. Du rɔt thian ë yɛn, na cie yen ke yɛn bï tɔ̈u në kɔc bï lɔ paan ë thuɔɔu.

⁸ Ye yɛn täk nɔm aköölnyïïn ëbɛ̈n në biäk de nhiëërduön agɔk, në biäk ŋääth yɛn Yïn. Nyuöthë yɛn kueer bän lɔ thïn, lɔ̈ŋdï ee lɔ nhial tëde yïn.

⁹ Yɛn ee lɔ tëde yïn bä ya gël Bɛ̈nydït, kony a në kɔc ke aterdï.

¹⁰ Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

¹¹ Döt wëikï Bɛ̈nydït në biäk de rinku, Në biäk de piathëpiɔ̈ndu bɛ̈ɛ̈i ë yɛn bei në nuanic!

¹² Ku në biäk de nhiëërduön agɔk, näk kɔc ke aterdï ku riäk kɔc ee kɔc yɔŋ, në biäk ee yɛn awundu.