Diɛt 140 - JAM DE NHIALIC 2011

Lɔ̈ŋ de Gël

¹ Kony a Bɛ̈nydït, në kɔc rac, luäk ɛn në kɔc ke akuöörkuöör.

² Ayek kiɛɛr rac tak ë ceŋ, ayek agööth looi ë ceŋ.

³ Liëpken acïtkï wurïï de karɛc ee näk, wëlken acïtkï wurïï de anyak.

⁴ Gël yɛn Bɛ̈nydït në riɛl de kɔc rac, luäk ɛn në kɔc ke akuöörkuöör kɔc rac ee kiɛɛr rɛɛc de luɔi bän wïïk tak.

⁵ Kɔc ke lɛc acïk ya deep, acïk boiken ruk kɔ̈ɔ̈th, ku tɛ̈ɛ̈ukï wïn ë dɛ̈p kueer bï kek a dɔm.

⁶ Guɔ lɛ̈k Bɛ̈nydït an, Yïn ee Nhialinydï. Bɛ̈nydït, piŋ dhiëndiën kaar ɛn kuɔɔny!

⁷ Bɛ̈nydït konydiën ril, yïn cï ya gël ë tɔŋ yic.

⁸ Du kɔc rac gëm këdɛn kɔɔrkï, du kiɛɛrden tɔ tiëm.

⁹ Du kɔc ke aterdï tɔ tiëm, tɔ riëëcdɛn ye kek a riääc puk rɔt keek.

¹⁰ Tɔ cool ke atiam ë many thith lööny në ke kɔ̈ɔ̈th, tɔ ke cuɛtë pulic ku cïkï be bɛ̈n bei.

¹¹ Du kɔc ee kɔc kɔ̈k gaany ë lueth tɔ tiëm, kërac abï kɔc ke akuöörkuöör yök ku nɛ̈k keek.

¹² Bɛ̈nydït aŋiɛc nɔn ee Yïn ee yiny de kɔc yɔŋ keek gël, ku Ye yic luöi kɔc cïn käŋ.

¹³ Ee yic kɔc piɛthpiɔ̈ɔ̈th abïk rinku lɛ̈k thieithieei, kɔc lɔ piɔ̈ɔ̈th wai abïk tɔ̈u ë Yïlɔ̈ɔ̈m.