Diɛt 137 - JAM DE NHIALIC 2011

Dhiën de Kɔc ke Yithriɛl cï Peec

¹ Wok aake rɛ̈ɛ̈r në kiɛɛr ke Babilon yɔu, goku dhiau, wën cï wok Dhiɔn tak.

² Goku thomda nöök ë tim nɔm tim nu ë wɛ̈ɛ̈r yɔu ëtɛ̈ɛ̈n.

³ Go kɔc ë pec wook wo yɔ̈ɔ̈k buk ket ë diɛt acïk wo yɔ̈ɔ̈k buk keek kɛ̈ɛ̈t nïïm, an, “Kɛ̈tkï wo diɛt ke Dhiɔn.”

⁴ Goku lueel an, Duëërku diɛt kɛ̈t Bɛ̈nydït adï, paan de alɛi?

⁵ Yɛn cïï duëër bɛ gut ë thom na määr nɔm ë yïn Jeruthalem!

⁶ Tɔ liemdï nuɛt ë yathok, na cä yïn tak, na kën Jeruthalem tɔ dït awär miɛtëpiɔ̈ndï!

⁷ Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

⁸ Babilon, yïn bïï riɔ̈ɔ̈k. Thieithieei në kɔc ee yïn luöi këtuc, në biäk de kë cï luöi wook,

⁹ kɔc ee mïthkuön ateteet nööm ku deenykï keek ë kur kɔ̈ɔ̈th.