Diɛt 136 - JAM DE NHIALIC 2011

Din de Alɛɛc

¹ Lɛckï Bɛ̈nydït nɔm ë biäk de piathde, nhiëërdɛn agɔk atɔ̈u athɛɛr.

² Gämkï lɛc Nhialic wär yiëth ëbɛ̈n, nhiëërdɛn agɔk atɔ̈u athɛɛr.

³ Gämkï Bɛ̈nydïït de bäny lɛc, nhiëërdɛn agɔk atɔ̈u athɛɛr.

⁴ Yen Yetök Yen e kagɛ̈iyë looi nhiëërdɛn agɔk atɔ̈u athɛɛr.

⁵ Në pɛ̈lënɔmde acï paannhial cak, nhiëërdɛn agɔk atɔ̈u athɛɛr,

⁶ acï piny yïk në pïïu thiäŋ nïïm, nhiëërdɛn agɔk atɔ̈u athɛɛr.

⁷ Acï akɔ̈l cak kekë pɛɛi, ku nhiëërdɛn agɔk atɔ̈u athɛɛr,

⁸ akɔ̈l ee lui aköl, nhiëërdɛn agɔk atɔ̈u athɛɛr,

⁹ ku pɛɛi kekë kuɛl ayek lui wakɔ̈u, ku nhiëërdɛn agɔk atɔ̈u athɛɛr.

¹⁰ Acï wɛ̈ɛ̈t kɛ̈i ke kɔc ke Rip nɔ̈k, nhiëërdɛn agɔk atɔ̈u athɛɛr.

¹¹ Acï kɔc ke Yithriɛl bɛ̈ɛ̈i bei ë Rip, nhiëërdɛn agɔk atɔ̈u athɛɛr,

¹² në ciin ril ku köŋ ril aläl, nhiëërdɛn agɔk atɔ̈u athɛɛr.

¹³ Acï abäpdit thith tekic në amaŋ, nhiëërdɛn agɔk atɔ̈u athɛɛr,

¹⁴ ku tɔ Yithriɛl tɛ̈k në ye yic cil, nhiëërdɛn agɔk atɔ̈u athɛɛr,

¹⁵ ku acï melik de Rip tɔ mɔu kekë remde në abäpdit thithic, nhiëërdɛn agɔk atɔ̈u athɛɛr.

¹⁶ Acï kɔcke wat në jɔ̈ɔ̈ric, nhiëërdɛn agɔk atɔ̈u athɛɛr,

¹⁷ acï meliik ril ëtör nɔ̈k, nhiëërdɛn agɔk atɔ̈u athɛɛr,

¹⁸ go meliik cï leec nɔ̈k, nhiëërdɛn agɔk atɔ̈u athɛɛr,

¹⁹ go Thiɣon meliŋ de kɔc ke Amor nɔ̈k, nhiëërdɛn agɔk atɔ̈u athɛɛr,

²⁰ ku Og, meliŋ de Bacan, nhiëërdɛn agɔk atɔ̈u athɛɛr.

²¹ Go piinyken gäm kɔcke bïk lak, nhiëërdɛn agɔk atɔ̈u athɛɛr,

²² acï ke gäm Yithriɛl awuutke bïke lak, nhiëërdɛn agɔk atɔ̈u athɛɛr.

²³ Akën nɔm määr ë wook, wään cï ë wook tiaam, nhiëërdɛn agɔk atɔ̈u athɛɛr,

²⁴ acï wook kony në kɔc ke aterda, nhiëërdɛn agɔk atɔ̈u athɛɛr.

²⁵ Acï këcam gäm ka pïïr ëbɛ̈n, nhiëërdɛn agɔk atɔ̈u athɛɛr.

²⁶ Gämkï lɛc Nhialic de paannhial, nhiëërdɛn agɔk atɔ̈u athɛɛr.