Diɛt 13 - JAM DE NHIALIC 2011

Lɔ̈ŋ de Kuɔɔny

¹ Bä nɔm jɔ määr në yɛn agut cï nɛn Bɛ̈nydït? Aɣet athɛɛr? Bä rɔt aa thiaan në yɛn aɣet cï nɛn?

² Bä këtuc jɔ guum aɣet cï nɛn? Bï dhiënëpiɔ̈u jɔ tɔ̈u ke yɛn aköl ku wakɔ̈u agut cï nɛn? Bï kɔc ke aterdï ya tiaam agut cï nɛn?

³ Tïŋ ɛn, Bɛ̈nydït Nhialicdï, ku puk jamdï nɔm. Puɔ̈kë yanɔm riɛldï, du ya tɔ thou.

⁴ Du bï tɔ lueel ë kɔc ke aterdï an, “Acuk tiaam.” Du ke bï tɔ mitpiɔ̈ɔ̈th në löny cän löny.

⁵ Yɛn ŋäth nhiëërduön agɔk, yɛn bï piɔ̈u miɛt, në luɔi bï yïn a kony.

⁶ Bɛ̈nydït, yïn bä kët dit, në luɔi piɛth Yïn we yɛn.