Diɛt 129 - JAM DE NHIALIC 2011

Lɔ̈ŋ de Gël ë Yithriɛl

¹ Yithriɛl lɛ̈kë wook luɔi cïï ë kɔc ke aterdu yïn yɔŋ të ɣɔn ee yïn meth.

² “Të wään ee yɛn meth, kɔc ke aterdï acïk yɛn yɔŋ arac, ku akënkï yɛn tiaam.

³ Acïk yɛn yiɛ̈k kɔ̈u bɔ̈ɔ̈tdït abïï ciët dom ë geer.

⁴ Ku Bɛ̈nydït, raan piɛthpiɔ̈u, acï yɛn bɛ̈n gäm nɔm lääu në yaaŋ yic.”

⁵ Raan man Dhiɔn ëbɛ̈n, abï tiaam ku leerë ciëën.

⁶ Tɔ ke cït wal ee cil ë ɣööt nïïm, wal ee biɔɔr ke ke kën kɔn dït,

⁷ acïn raan ee keek nyuaar, ku cïn raan jɔt keek ke ke duööt në dut.

⁸ Acïn raan de kɔc ee tëëk bï ye lueel an, “Bɛ̈nydït abï ya yï thieei! Yïn cuk thieei në rin ke Bɛ̈nydït.”