Diɛt 122 - JAM DE NHIALIC 2011

Piɔ̈ny de Jeruthalem

¹ Yɛn cï piɔ̈u miɛt wën yöök kek yɛn an, “lokku Luaŋ de Bɛ̈nydït.”

² Ku ënɔɔnë wok nu eenë wok kääc në kal de Jeruthalem yic!

³ Jeruthalem ee pänydït cï yïk ë ŋiëc guiir apiɛth ëbɛ̈n.

⁴ Yen të ye dhiën bɛ̈n thïn kï dhiëën ke Yithriɛl bïk Bɛ̈nydït bɛ̈n leec cït man cï löŋde ye lueel.

⁵ Thööckɛn ke bääny acï ke tääu piny, thöc ke ɣön ë Debid.

⁶ Läŋkï në biäk de män ë Jeruthalem an: “Kɔc nhiaar yïn abïk kuɛth.

⁷ Në mät ë tɔ̈u ë kaldu yic ku bï ɣööt ke bääny yiic dɛ mät.”

⁸ Në biäk de kɔc raan ë yɛn ku määthkï acä lɛ̈k Jeruthalem an, “Në mät tɔ̈u ke yïn!”

⁹ Në biäk de ɣön de Bɛ̈nydït Nhialicda yɛn bï lɔ̈ŋ në biäk de piathdu.