Diɛt 121 - JAM DE NHIALIC 2011

Bɛ̈nydït Raan ee Wo Gël

¹ Yɛn ee kur woi nïïm, ee tënou bïï kuɔɔnydï bɛ̈n thïn?

² Kuɔɔnydï abï bɛ̈n tëde Bɛ̈nydït, raan ë cak paannhial kekë piny.

³ Acïï yïn bï tɔ löny, Nhialic raan ee yïn gël akääc ke yiɛ̈n ë ceŋ.

⁴ Raan ee Yithriɛl gël acie nok, ku acie niin.

⁵ Bɛ̈nydït abï yïn tiit, atɔ̈u ë yïlɔ̈ɔ̈m ke gël yïn.

⁶ Akɔ̈l acïï yïn bï nɔ̈k aköl, ayï pɛɛi acïn kë bï luöi yïn wakɔ̈u.

⁷ Bɛ̈nydït abï yïn gël ë karɛc yiic ëbɛ̈n ku abï yïn gël apiɛth.

⁸ Abï yïn gël të le yïn ku të bï yïn, ënɔɔnë ku aɣet athɛɛr.