Diɛt 12 - JAM DE NHIALIC 2011

Lɔ̈ŋ de Kuɔɔny

¹ Kony wook Bɛ̈nydït! Acïn kɔc piɛthpiɔ̈ɔ̈th cï döŋ, acïn kɔc adööt duëër ë ke bɛ yök.

² Ayek röt tɔ̈ɔ̈r lueth kedhie, ayek röt math kapäc në ka cït yith.

³ Bɛ̈nydït, miɛɛmë liëp ee käŋ töör! Thiök thook ee kake lɛc lueel an,

⁴ “Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

⁵ Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

⁶ Gutguut de Bɛ̈nydït aye ŋɔ̈ɔ̈th, alek wai cït ateek cï lëëŋ ë many tuc raan dhorou.

⁷ Kɔc rac acïk piny thiɔ̈ɔ̈ŋ ëbɛ̈n, ku anhiaarkï kërac kedhie.

⁸ Tit wook Bɛ̈nydït në kërac, ku tit wo në ee kɔckë.