Diɛt 118 - JAM DE NHIALIC 2011

Lɔ̈ŋ de Alɛɛc ë biäk de Tiëm

¹ Gämkï Bɛ̈nydït lɛc, në biäk piɛth En, ku nhiëërdɛn agɔk atɔ̈u athɛɛr.

² Në lueel ë kɔc ke Yithriɛl an, “Nhiëërdɛn agɔk atɔ̈u athɛɛr.”

³ Ku në lueel bäny ke kake Nhialic an, “Nhiëërdɛn agɔk atɔ̈u athɛɛr.”

⁴ Në lueel kɔc ee Yen lɔ̈ŋ kedhie an, “Nhiëërdɛn agɔk atɔ̈u athɛɛr.”

⁵ Yɛn ë Bɛ̈nydït cɔɔl ë nuandï yic, go ya piŋ thok ku gëm a nɔm lääu.

⁶ Bɛ̈nydït atɔ̈u kekë yɛn, ka yɛn cï bï riɔ̈ɔ̈c, eeŋö duëër ë raan luöi yɛn?

⁷ Ee Bɛ̈nydït Yen ë kony ɛn, ku yɛn bï kɔc ke aterdï tïŋ atiam.

⁸ Aŋuän bï raan Bɛ̈nydït ŋɔ̈ɔ̈th në luɔi bï raan rɔt kan ë raan.

⁹ Aŋuän bï raan Bɛ̈nydït ŋɔ̈ɔ̈th në luɔi bï raan rɔt kan ë bäny ke kɔc.

¹⁰ Juöör de ater në wook acïk a tuɔɔk cil, ku acä keek riɔ̈ɔ̈k në riɛl ë Bɛ̈nydït!

¹¹ Aake cï a tuɔɔk cil në biäk kedhie, ku acä keek bɛ̈n riɔ̈ɔ̈k në riɛl ë Bɛ̈nydït!

¹² Acïk a tuɔɔk cil cït man ë kiëc, ku acïk dap nyop piny cït man ë many de kuɔɔth, ku në riɛl de Bɛ̈nydït acä keek riɔ̈ɔ̈k kedhie.

¹³ Yɛn aa cï mak arëët ku kɔɔr bï yɛn tiaam, ku Bɛ̈nydït acï ya bɛ̈n kony.

¹⁴ Bɛ̈nydït acï ya riit piɔ̈u ku gëm a riɛl, acï yɛn kony wëi.

¹⁵ Piɛŋkï diɛt ke miɛt ë piɔ̈u de tiëm në pɛɛny ke kɔc Piɛthpiɔ̈ɔ̈th yiic an, “Acï riɛl dïït de Bɛ̈nydït looi!

¹⁶ Riɛlde acï wook gäm tiëm, riɛldɛn dït në tɔŋic!”

¹⁷ Yɛn cï bï thou, ku yɛn bï pïïr, ku bä kë cï Bɛ̈nydït looi guiir.

¹⁸ Acï yɛn luöi këtuc aläl, ku akën ɛn tɔ thou.

¹⁹ Liëpë yɛn kuɛɛr ke piathëpiɔ̈u, ke ya bï lɔ thïn bä Bɛ̈nydït lɔ lɛc nɔm!

²⁰ Kënë yen aye kueer de Bɛ̈nydït, ee kɔc piɛthpiɔ̈ɔ̈th kek abï tëëk thïn.

²¹ Bɛ̈nydït, yïn bä piɔɔny, në biäk cïn yɛn piŋ thok, ku në biäk cï yïn yɛn tɔ tiëm.

²² Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

²³ Ku kënë ee Bɛ̈nydït Yen ë looi yen, ee kë de gäi cït ŋö!

²⁴ Kënë ee kööl cïï Bɛ̈nydït tiam thïn, jɔku piɔ̈ɔ̈th miɛt, ku loiku dhuëëŋ!

²⁵ Kony wook, Bɛ̈nydït, kony wook! Gämë wook tiëm, Bɛ̈nydït!

²⁶ Athiɛɛi de Nhialic abï tɔ̈u ke raan ee bɛ̈n në rin ke Bɛ̈nydït! Yïn buk thieei Luaŋdït.

²⁷ Bɛ̈nydït Yen aye Nhialic, aa piɛth kekë wook ë caŋɣɔn. Miɔc yïcin në yïth ke tiim, ku gɔl dhuëëŋ cök ku wil yïïŋ de Bɛ̈nydït.

²⁸ Yïn ee Nhialicdï, ku Yïn bä gäm lɛc, yɛn bï dïtdu lɛ̈k raan ëbɛ̈n.

²⁹ Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!