Diɛt 113 - JAM DE NHIALIC 2011

Në piɔ̈ny piɔɔnyë piath de Bɛ̈nydït

¹ Lɛckï Bɛ̈nydït! Pianykï, wek awuut ke Bɛ̈nydït, pianykï rin ke Bɛ̈nydït!

² Yen abï aa piɔɔny rin, gɔl ee köölë aɣet athɛɛr.

³ Gɔl të lɔ aköl amiäk le të lɔ aköl athɛ̈i, pianykï rin ke Bɛ̈nydït!

⁴ Bɛ̈nydït Yen anu ë juöör nïïm ëbɛ̈n, dhuëëŋde atɔ̈u ë paannhial nɔm.

⁵ Acïn raan cït Bɛ̈nydït Nhialicda. Yen arɛ̈ɛ̈r të mec nhial,

⁶ ku jɔ Yenɔm guöt piny ago tënhial kekë piny tïŋ piny.

⁷ Ee kɔc kuanynyïïn jat nhial piny abïk kuɛth, ku jɔt kɔc cïn käŋ nhial të cï kek nuan,

⁸ ku mɛt keek tëde wɛ̈ɛ̈t meliik, wɛ̈ɛ̈t meliik ke kɔcke.

⁹ Ee tiiŋ cïn nɔm meth gäm riëëu paande, ku tɔ mit piɔ̈u në luɔi yen en gäm mïth. Lɛckï Bɛ̈nydït!