Diɛt 112 - JAM DE NHIALIC 2011

Miɛtëpiɔ̈u de Raan Piɛth

¹ Lɛckï Bɛ̈nydït! Thieithieei ë raan ë Bɛ̈nydït riëëu, raan ee miɛtëpiɔ̈u yök në riëëu de lööŋke.

² Mïth ke raan piɛth abïk riɛl ë piny yic, kuat de raan lɔ piɔ̈u wai abï thieei.

³ Paande abï yic dɛ kajuëc ku kuɛth, ku piathëpiɔ̈nde abï tɔ̈u aɣet athɛɛr.

⁴ Ɣɛɛr ee riau në mɔ̈ɔ̈thic në biäk de kɔc lɔ piɔ̈ɔ̈th wai, ku kɔc ee miööc, ku kɔc kok piɔ̈ɔ̈th, ku kɔc piɛthpiɔ̈ɔ̈th.

⁵ Thieithieei në raan ee miööc në piɔ̈n ɣer, ku tɔ luɔide cath ke cïn ruëëny.

⁶ Raan piɛthpiɔ̈u acïï bï wïïk taitai, abïï aa tak anande.

⁷ Acie riɔ̈ɔ̈c në piŋ de thoŋ rac, në biäk ril ë gämde, ku aŋäth Bɛ̈nydït.

⁸ Acie diɛɛr ku acie riɔ̈ɔ̈c, aŋic nɔn bïï ë kɔc ke aterde dhil tiaam.

⁹ Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

¹⁰ Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.