Diɛt 111 - JAM DE NHIALIC 2011

Piɔ̈ny de Bɛ̈nydït

¹ Pianykï Bɛ̈nydï! Yɛn bï Bɛ̈nydït leec në piɔ̈ndï ëbɛ̈n në akutnɔm ë kɔc lɔ piɔ̈ɔ̈th wai nïïm.

² Bɛ̈nydït ee kake gäi juëc looi! Kɔc kedhie kɔc cï piɔ̈ɔ̈th miɛt ë keek, ayek them bïk keek ŋic.

³ Luɔide ëbɛ̈n athiäŋ ke riëëu ku dhuëëŋ, ku piathëpiɔ̈nde abï aa tɔ̈u athɛɛr.

⁴ Bɛ̈nydït acïï wook ee tɔ mär nïïm në ka gɛ̈iyë cï ke looi, Yen adhuɛ̈ŋ ku ee piɔ̈u kok.

⁵ Bɛ̈nydït ee këcam gäm kɔc ee Yen riëëu, acïï nɔm ee määr në mände.

⁶ Bɛ̈nydït acï riɛlde nyuöth kɔcke në gëm gëm en keek piny de juöör.

⁷ Ku luɔi de Yen ciin alɔ gɔk ku ee yic, ku lööŋke ëbɛ̈n ayek yith.

⁸ Ayek ceŋ aɣet thɛɛr wadäŋ, aake looi keek në piathëpiɔ̈u ku piɔ̈n awai.

⁹ Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

¹⁰ Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.