Diɛt 110 - JAM DE NHIALIC 2011

Bɛ̈nydït kekë Melik cï Lɔc

¹ Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

² Ku Bɛ̈nydït abï thienydɛn de bääny tuööc ë Dhiɔn. Acï lueel an, “Ceŋ kɔckuön ke aterdu.”

³ Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

⁴ Bɛ̈nydït acï gutguut looi ku acïï Yenɔm duëër kɔn waar. Acï lueel an, “Yïn ee bɛ̈ny de kake Nhialic aɣet thɛɛr, bɛ̈ny de kake Nhialic cït Melkidhedek.

⁵ Bɛ̈nydït atɔ̈u ë baŋ cuënydu, të cï yen gɔ̈th, abï meliik tiaam.

⁶ Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

⁷ Melik abïk aa dek në pïïu ke awuölic nu ë kueer këc, ku ëtɛ̈ɛ̈n abï riɛl yök, ku jɔ kɔ̈ɔ̈c ke cï tiam.