Diɛt 11 - JAM DE NHIALIC 2011

Aŋäth Ŋɛ̈ɛ̈th ë Raan Bɛ̈nydït

¹ Yɛn ŋäth kuɔɔny tëde Bɛ̈nydït. Ee dhɔ̈ɔ̈n cït ŋö kë yïn e lɛ̈k ɛn an, “Pär ke yï lɔ ë kur nïïm cït man ë dit,

² në luɔi cïï kɔc rac dhɛ̈ŋken coc ku mockï wiɛthken, bïk kɔc piɛth aa mɔ̈ɔ̈c ë mɔ̈ɔ̈thic.

³ Eeŋö duëër ë kɔc piɛthpiɔ̈ɔ̈th looi, të cïï ë këërkëër jɔ riɔ̈ɔ̈k?”

⁴ Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

⁵ Bɛ̈nydït ee kɔc rac them ku them kɔc piɛthpiɔ̈ɔ̈th, ku piɔ̈nde aman raan nhiaar akuöörkuöör.

⁶ Ago kɔc rac tuöc lɔ̈k de many de cool, ku tuc keek thulpur dɛ̈p, ku lui keek këtuc në yom de kupiör.

⁷ Bɛ̈nydït apiɛthpiɔ̈u, ku anhiaar luɔi piɛth, kɔc lɔ piɔ̈ɔ̈th wai abïk Yen tïŋ nyin.