Diɛt 108 - JAM DE NHIALIC 2011

Lɔ̈ŋ de Kuɔɔny në baŋ de Kɔc ke Ater

¹ Nhialic Yïn aŋääth, në piɔ̈ndï ëbɛ̈n! Yɛn bï ket ku piaany Yïn! Jɔt rɔt kääcë piɔ̈ndï!

² Jɔt rɔt, kaaŋdï ku thomdï! Yɛn bï akɔ̈l pɔ̈ɔ̈c.

³ Yïn bä leec Bɛ̈nydït, në juöör yiic ëbɛ̈n. Yïn bä piɔɔny ë kɔc ke pinynɔm nïïm kedhie.

⁴ Nhiëërduön agɔk ee ɣet paannhial ya, ku piɔ̈nduön adöt ee luäät jak.

⁵ Nhialic, nyuɔɔthë riɛldïïtdu paannhial, ku tɔ dhuëëŋdu thiäŋ piny nɔm ëbɛ̈n.

⁶ Piŋ lɔ̈ŋda, ku kony wook në riɛldïïtdu, ago kɔckuön nhiaar keek kony wëi.

⁷ Acï ë Nhialic lueel tëdɛn ɣeric në thööcde nɔm an, “Yɛn bï kɔc tɔ̈u në Cekem tekic në riɛl dït ku tɛ̈k wak de Thukoth kɔckï.

⁸ Giliyad ee këdï, ku lɔ Manatha aya, Eparaim yen aye akupdï, Juda ee thienydiën de bääny.

⁹ Ku ta Mowap ee kë yan Yaciin waak, ku Yɛn bï warkï cuat në Edom kɔ̈u, ke ee kïn nyooth en nɔn yen këdï. Ku Yɛn bï kïïu në luɔi cän Pilithiin tiaam.”

¹⁰ Nhialic, Eeŋa bï wook lɛɛr pänydïït cï gëlic? Eeŋa bï yɛn wat Edom?

¹¹ Cï jaai ë wook liŋliŋ? Cïï remdan ë tɔŋ bï wat ë Yïn?

¹² Kony wook tëde kɔc ke ater, kuɔɔny de mɛnh ë raan acïn naamde.

¹³ Ku në biäk tɔ̈u ë Nhialic kekë wook wok bï tiam, abï kɔc de wok ater cop.