Diɛt 103 - JAM DE NHIALIC 2011

Nhiëër de Nhialic

¹ Wek wëikï, we bï Bɛ̈nydït thieei, ku guöpdï ëbɛ̈n, abï rinkɛn ɣeriic thieei!

² Wek wëikï, we bï Bɛ̈nydït thieei, ku du nɔm mär në luɔi piɛth En.

³ Ë yïn päl awɛ̈ɛ̈c cä keek looi ku tɔ ya piɔl guöp tëde yen juäi, ë ya guöp.

⁴ Ku gël a wëi tëde raŋ, ku gëm ɛn göl de nhiëër agɔk kekë kokdepiɔ̈u.

⁵ Ë pïïrdï thiɔ̈ɔ̈ŋ yic ë kë piɛth ëbɛ̈n aguɔ tɔ̈u ke ya cïï dhiɔp ku riɛl cït man ee cuɔɔr.

⁶ Bɛ̈nydït ee löŋ de kɔc yɔŋ guiir apiɛth, ku gëm keek yinyden.

⁷ Acï kuɛɛrke nyuöth Mothe, ku tɔ kɔc ke Yithriɛl tïŋ kajuëckɛn ke gäi.

⁸ Bɛ̈nydït ade kokdepiɔ̈u ku nhiëër, acie dap göth ku athiäŋ ke nhiëër agɔk.

⁹ Acïï kɔc ee rël yiic, ku acie gɔ̈th anande.

¹⁰ Acïï wook ee luööi cït man ë kërɛɛcda, ku cïï wook lui këtuc cït man de awɛ̈ɛ̈ckuɔ.

¹¹ Acït man ye tënhial mɛc kekë piny yen ee täu de nhiëërdɛn agɔk tëde kɔc ee Yen riëëu.

¹² Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

¹³ Cït man ye wun mïth piɔ̈u kok kekë mïthke, Yen aye Bɛ̈nydït piɔ̈u kok aya kekë kɔc wën ee Yen riëëu.

¹⁴ Yen aŋic kën ë ciɛ̈k wook, ku akën nɔm määr nɔn ye wook abuui.

¹⁵ Ku në biäkda, pïïrda athöŋ ke wal, wek ë dït abuk luak cït man ë wɛl tɔ̈u roor.

¹⁶ Na lë ke yom ë go pɔ̈t ë yenɔm, ku go guɔ määr, acïn raan ee ye bɛ tïŋ.

¹⁷ Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

¹⁸ Ku jɔ aa kɔckɛn ee män de Bɛ̈nydït döt, ku yek lööŋ riëëu në piathëpiɔ̈u.

¹⁹ Bɛ̈nydït acï thönyde tääu piny paannhial. Yen ë meliŋ de ciɛɛŋ ëbɛ̈n.

²⁰ Wek tuucnhial, thiɛikï Bɛ̈nydït, wek cï ee lööŋke döt, kɔc ee këdɛn lueel piŋ.

²¹ Wek riɛl ë paannhial, thiɛikï Bɛ̈nydït, wek lïïmke, wek kɔc ee këde piɔ̈nde looi!

²² Thiɛikï Bɛ̈nydït, wek kakɛn cï cak wedhie, në ɣään cieŋ keek kedhie. Wek wëikï, thiɛikï Bɛ̈nydït!