Diɛt 101 - JAM DE NHIALIC 2011

Gutguut de Melik

¹ Yɛn bï din de riëëu ku yic kiit, abä kɛ̈t Yïn, Yïn Bɛ̈nydït.

² Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

³ ku yɛn cïï kërac bï gam. Yɛn man luɔi de kɔc ee Nhialic pɔ̈l, acïn këdiën bä looi wo keek.

⁴ Ku yɛn cïï ruëëny bï looi, ku acïn këdiën bä looi wo kɔc ee ruëëny looi.

⁵ Ku yɛn bï raan ee kɔc tuöm gup karɛc nɔ̈k, ku raan rɔ̈th ku raan ee rɔt lɛɛc acä bï pɔ̈l.

⁶ Ku yɛn bï jam de kɔc adööt tëde Nhialic piŋ ku abä keek tɔ rɛ̈ɛ̈r ë ɣöndiën ë bääny, Kɔc ɣer piɔ̈ɔ̈th aläl, kek abï pɔ̈l aluui yɛn.

⁷ Acïn aluenh bï rëër ɣöndiën ë bääny, ku acïn raan de yic aguk bï tɔ̈u ë yalɔ̈ɔ̈m.

⁸ Aköölnyïïn ëbɛ̈n yɛn bï kɔc ee karɛc looi nɔ̈k pinyda, ku yɛn bï kɔc ee karɛc looi ëbɛ̈n cuɔp wei ë pänydïït de Bɛ̈nydït yic.