Diɛt 1 - JAM DE NHIALIC 2011

Awerek de Tök ( Diɛt 1–41 ) Miɛtëpiɔ̈u Yic

¹ Thieithieei në kɔc ee jiɛɛm ke kɔc rac rɛɛc piŋ, kɔc cïï kɔc ee karɛc looi ee kuany cök. Ku cïkï ee mat në kɔc ee Nhialic dɔl guöp.

² Ku yek piɔ̈ɔ̈th miɛt në riëëu de löŋ de Bɛ̈nydït, ku yek cool ë tɛk kek en.

³ Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

⁴ Ka kɔc rac acïkï cït keek ë taiwei, Acïtkï ayiɛl ee yom gap wei.

⁵ Yen ka cïï ë kɔc rac bï kɔ̈ɔ̈c ë luk nɔm, ku cïï kɔc ee karɛc looi bï kɔ̈ɔ̈c në akutnɔm de kɔc piɛthpiɔ̈ɔ̈th yiic.

⁶ Në biäk ŋic ë Bɛ̈nydït kueer de kɔc piɛthpiɔ̈ɔ̈th, ku kueer de kɔc rac ee thuɔɔu.