Cäk 36 - JAM DE NHIALIC 2011

Mïth ke Ethau

¹ Kakë ee mïth ke Ethau, ku acɔl Edom ayadäŋ.

² Ethau acï thiëëk në duet ke Kanaan. Thiɛɛk Ada, nyan ë Eelon raan ë Ɣit. Ku thiɛɛk Yoolibama, nyan ë Ana, wën ë Dhibion raan ë Ɣib,

³ ku lɔ Bathemath nyan ë Yicmiɛl, ku ye nyankënë Nebayɔth.

⁴ Ago Ada Elipadh dhiëëth, ku dhiëëth ë Bathemath Rewel.

⁵ Ku Yoolibama dhiëëth yï Jiyuc kekë Jalam, ku Kɔra. Ku mïth kë kedhie aake dhiëëth ë Ethau keek piny ë Kanaan.

⁶ Ago Ethau diäärke jɔt, ku jɔt mïthke, ku kɔc rɛ̈ɛ̈r në yen kedhie. Ku kuɛɛth ɣɔ̈kke, ku këriëëcdɛn wään cï yök piny ë Kanaan ëbɛ̈n, ku jël në Jakop mänhë lɔ̈ɔ̈m, piny ë Kanaan, le piny däŋ.

⁷ Aa jäl në luɔi ë kën ë piny ke lɛɛr kekë Jakop, aake de nïïm ɣɔ̈k juëc arëët.

⁸ Ago Ethau lɔ piɔ̈ɔ̈t piny ë kuur ë Thiyer, në kuriic.

⁹ Kakë ee mïth ke Ethau kuɛɛrëden ë kɔc ke Edom piny ë kuur ë Thiyer.

¹⁰ Kakë ee rin ke wɛ̈ɛ̈t ke Ethau, Elipadh ee wën ë Ada.

¹¹ Ku Teman kekë Omar, ku Dhepo, ku Gatam, ku Kenadh ayek wɛ̈ɛ̈t ke Elipadh.

¹² Timena aaye tiiŋ mɔ̈th de Elipadh, wën ë Ethau, go Elipadh dhiëth Amalek. Kek mïth baai ke Ada thok ka, tiiŋ ë Ethau.

¹³ Ku kakë ee mïth ke Rewel, yï Naɣath kekë Dhira, ku Cama, ku Midha. Kakë kek aye mïth ke baai de Bathemath, tiiŋ ë Ethau.

¹⁴ Ku mïth ke baai de Yoolibama, tiiŋ ë Ethau kï, nyan ë Ana wën ë Dhibion. Acï Ethau dhiëth wën cɔl Jiyuc kekë Jalam ku Kɔra.

¹⁵ Kakë ee wuöt ë cak röt në Ethau. Elipadh wën kɛ̈i ë Ethau, yen aye kuɛɛrë juöör bɔ̈ yë kedhie: yï Teman kekë Omar, ku Dhepo, ku Kenadh,

¹⁶ ku Kɔra, ku Gatam, ku Amalek. Ee kek ee bäny ke Elipadh në piny ë Edom. Kakë kedhie ee mïth ke baai de Ada thok, tiiŋ ë Ethau.

¹⁷ Ku Rewel, wën ë Ethau yen aye kuɛɛrë juöör bɔ̈ yë: yï Naɣath, ku Dhira, ku Cama, ku Midha. Ku kakë kedhie ee mïth ke baai de Bathemath thok, tiiŋ ë Ethau.

¹⁸ Ku wuöt bɔ̈ yë, aake bɔ̈ në Ethau, ku ayek mïth ke baai de Yoolibama thok, tiiŋde, nyan ë Ana: yï Jiyuc kekë Jalam, ku Kɔra.

¹⁹ Ku wuöt kë kedhie aake bɔ̈ në Ethau.

Mïth ke Theyir

²⁰ Kakë ee mïth ke Theyir raan ë Ɣorai, kɔc de piny: yï Lotan kekë Cobal, ku Dhibion, ku Ana,

²¹ ku Dicon, ku Edher, ku Dican. Kakë kek aye bäny ke kɔc ke Ɣor, mïth ke Thiyer, ɣɔn cï kek keyiic tɛ̈ɛ̈k në piny de Edom.

²² Mïth ke Lotan ee yï Ɣorai kekë Ɣeman. Ku nyankënë Lotan acɔl Timena.

²³ Kakë ee mïth ke Cobal, yï Aleban kekë Manaɣath, ku Eebal, ku Cepo, ku Onam.

²⁴ Ku mïth ke Dhibion ayek rou, yï Ayia kekë Ana. (Ee yen Ana ɣɔn yök të ye pïïu tuc röt muɔc nhial ë jɔ̈ɔ̈ric guöpde, ɣɔn tiit en mul ke Dhibion wun.)

²⁵ Dicon ee wën ë Ana kekë Yoolibama nyankënë.

²⁶ Ku kakë ee mïth ke Dicon: yï Ɣamedan, ku Eceban, ku Yitheran, ku Ceran.

²⁷ Kakë ee mïth ke Edher: yï Biliɣan kekë Dhapan, ku Akan.

²⁸ Kakë ee mïth ke Dican: yï Udh kekë Aran.

²⁹ Kakë kek aye bäny ke wuöt ke Ɣor: yï Lotan kekë Cobal, ku Dhibion ku Ana,

³⁰ ku Dicon, ku Edher, ku Dican. Kakë ee kek ee bäny ke wuöt ke kɔc ke Ɣor në rëërdɛn rëër kek në dhiënken piny ë Thiyer.

Meliik ke Edom

^31-39 Kakë ee kek ee meliik ë kɔnë dɔm në piny ë Edom. Acïn meliŋ töŋ ë cï kɔn dɔm në kɔc ke Yithriɛl nïïm tueŋ. Bila wën ë Beyor atɔ ye meliŋ de Edom, ku wunden acɔl Dinɣabath. Na ɣɔn aa thou Bila, ke Jobap wën ë Dhira, raan wun ë Bothera ë dɔm në nyiɛnde yic. Na ɣɔn aa thou Jobap, ke Ɣucam ë dɔm në nyiɛnde yic, raan wun ë Timan. Na ɣɔn aa thou Ɣucam, ke Ɣadad wën ë Bedad ë dɔm në nyiɛnde yic, raan wään tiam kɔc ke Midian piny ë Mowap. Ku yen aaye raan wun Abith. Na ɣɔn aa thou Ɣadad: ke Thamela raan wun ë Mathereka ë dɔm në nyiɛnde yic. Na ɣɔn aa thou Thamela, ke Caul raan ë Reɣoboth nu në Yuparat yɔu ë dɔm në nyiɛnde yic. Na ɣɔn aa thou Caul, ke Baal Ɣanan, wën Akbor ë dɔm në nyiɛnde yic. Na ɣɔn aa thou Baal Ɣanan, wën Akbor, ke Ɣadar ë dɔm në nyiɛnde yic. Ku wunden aa cɔl Pau. Ku tiiŋde acɔl Meɣetabel, nyan ë Matered nyan ë Medhaɣa.

⁴⁰ Kakë ee rin ke bäny ke kɔc ke Ethau, në dhiënken, ku wuötken: yï Timena kekë Aleba, ku Jetheth,

⁴¹ ku Yoolibama, ku Ela, ku Pinon,

⁴² ku Kenadh, ku Teman, ku Mibdhar,

⁴³ ku Makediel, ku Yiram. Kek bäny ke kɔc ke Edom ka, në wuötken rëër kek piny cï gäm keek. (Ku keek kedhie ayek kɔc ke Edom, kuat de Ethau).