Cäk 10 - JAM DE NHIALIC 2011

Käu de Wɛ̈ɛ̈t ke Nowa

¹ Kakë ee käu de wɛ̈ɛ̈t ke Nowa, yï Cem kekë Ɣam, ku Japeth. Ku keek kedhie kadiäk, aake cï dhiëth ë mïth në amool cök.

² Ku mïth ke Japeth ee yï Gɔmer kekë Magɔk, ku Madai, ku Yaban, ku Tubal, ku Micek, ku Tirath.

³ Ku käu de Gɔmer ee yï Acekenadh kekë Ripath, ku Togama.

⁴ Ku käu de Yaban ee kek aye kɔc ke Eliica, ku Tarcic, ku Kitim ku Dodanim.

⁵ Kek aye kuarken ë kɔc rɛ̈ɛ̈r në wɛ̈ɛ̈r yɔu, ku kɔc rɛ̈ɛ̈r në tuööriic. Kakë ee kek ee käu de Japeth, aake rɛ̈ɛ̈r ë ke ye juöör tɛkiic pinyden, në thookken, ku bɛ̈iken.

⁶ Ku mïth ke Ɣam ee yï Kuc kekë Rip, ku Libya, ku Kanaan.

⁷ Käu de Kuc ee yï Theba kekë Ɣabila, ku Thapta, ku Raama, ku Thabteka. Ku käu de Raama ee yï Ceba kekë Dedan.

⁸ Ku Kuc ade nɔm wëndɛn cɔl Nimrɔt. Ku Nimrɔt yen aaye jön riil töŋ ë kɔn tɔ̈u ë piny nɔm.

⁹ Ku aaye yiëm dïït cï leec, në luɔi ë cï Bɛ̈nydït ye kuɔny. Go kääŋ aa thɔ̈ɔ̈th an, “Yïn bï Bɛ̈nydït tɔ ee yiëm ril cït Nimrɔt.”

¹⁰ Ɣɔn tueŋ gɔl ë ciɛɛŋde rɔt, aa cieŋ Babel kekë Eerek, ku Akat. Ku wuötkë kedhie kadiäk, anukï piny ë Babilonia.

¹¹ Ku ëtɛ̈ɛ̈n, ë bɛ̈n lɔ Athiriya, ku lee Ninebe yïk kekë Riɣoboth Yir, ku Kala.

¹² Ku Rethen në kaam de Ninebe kekë Kala, yen aye pänydït.

¹³ Käu de Rip ee yï Ludia kekë Anamim, ku Laɣaibim, ku Naptuɣim,

¹⁴ ku Pathruthim ku Kathluɣim ee yen ade kɔc ke Pilithiin, ku Kaptorim.

¹⁵ Ku Kanaan aa kaai në wëndɛn Thidon, ku lɔ Ɣeth.

¹⁶ Ku mïth ke Kanaan kek ade kɔckɛn cɔl Jebuth, ku Amor, ku Girgac,

¹⁷ ku Ɣib ku Arek, ku Thin,

¹⁸ ku kɔc ke Arabad, ku Dhemar, ku kɔc ke Ɣamath. Ku dhiëën juëc yiic ke kɔc ke Kanaan aake cï thiëi ë piny nɔm,

¹⁹ ke ke ye juöör tɛkiic. Agokï nïïm ɣet Jiraar, agut cï paan cɔl Gadha, gɔl thok në Thidon nu të lɔ wöuwic. Ku në baŋ të lɔ aköl amiäk aɣet Thɔdom kekë Gomoora, ku Adma, ku Dheboyim agut cï Laca.

²⁰ Kakë kek aye käu de Ɣam në bɛ̈iken, ku thookken, ku në piinyken, ku juöörken ke ke tɛkiic.

²¹ Cem, wëndït në Japeth, yen aye kuɛɛrë kɔc ke Ɣeberuu ëbɛ̈n. Ku yen ayadäŋ, acï mïth dhiëëth.

²² Mïth ke Cem ee yï Elam kekë Acuur ku Arapakad, ku Lud, ku Aram.

²³ Käu de Aram ee yï Udh, kekë Ɣul, ku Gither ku Micek.

²⁴ Ago Arapakad wëndɛn Cila dhiëëth, go Cila Eber dhiëëth.

²⁵ Ku Eber aa dhiëth mïthwät kaarou, wën tök acɔl Pelek (të puk ë yeyic ka ee puɔ̈k) në luɔi ë cï piny bɛ̈n tekic në akööl ë dhiëëthë yen. Ku rin ke mänhë acɔl ke Jɔktan.

²⁶ Ku käu de Jɔktan ee kek aye kɔc ke Almodat kekë Cilep, ku Ɣadhamapeth, ku Jira,

²⁷ ku Ɣadoram ku Yudhal, ku Dikla,

²⁸ ku Obal, ku Abimayɛl, ku Ceba,

²⁹ ku Opir, ku Ɣabila, ku Jobap. Mïthkë kedhie, ayek mïth ke Jɔktan.

³⁰ Ku pinydɛn ë cieŋkï agɔl rɔt në të cɔl Meca, alɔ gut të cɔl Thipar, në piny ë kuur kɔ̈u të lɔ aköl amiäk.

³¹ Ku kakë kek aye käu de Cem në bɛ̈iken, ku thookken, ku piinyken, ku juöörken.

³² Kɔckë kedhie kek aye ɣööt ke käu de Nowa, në juöörken, ku kuarken. Kɔc ke piny nɔm kedhie, aake bɔ̈ në mïth ke Nowa në amool cök.