Bɛ̈n 7 - JAM DE NHIALIC 2011

¹ Go Bɛ̈nydït lɛ̈k en an, “Yïn bä tɔ cït Nhialic tëde melik, ku Aron wänmuuth yen abï jam cït man ë tiëtdu.

² Guiëërë Aron ka cä lɛ̈k yïn kedhie, ke bï ke lɔ lɛ̈k melik. Ke melik ë bï kɔc ke Yithriɛl tɔ jäl pinyde.

^3-4 Ku melik abä tɔ ril nɔm, ka acïï jamdun bï piŋ. Ku cïn këdunic thïn në ka gɛ̈ɛ̈iyë ke juëc bä looi Rip. Yɛn bï Rip luöi këtuc, ku kuɛ̈ɛ̈th kɔckï bei pinyden.

⁵ Të lan A ciin thɛm kɔc ke Rip, ku bɛ̈ɛ̈i kɔc ke Yithriɛl bei pinyden, abïk Ɛn jɔ ŋic ëgɔk nɔn Yan Bɛ̈nydït.”

⁶ Ku Mothe kekë Aron acïk ka cïï Bɛ̈nydït lɛ̈k keek bɛ̈n looi kedhie.

⁷ Ku run ke Mothe aake ye thiërbɛ̈t, të ɣɔn jiɛɛm kek në melik. Ku run ke Aron aake ye thiërbɛ̈t ku diäk.

Thieny ë Aron

⁸ Go Bɛ̈nydït lɛ̈k Mothe kekë Aron an,

⁹ “Të le melik e lɛ̈k week an nyuɔɔthkï röt në kë gɛ̈ɛ̈iyë, ke Aron ë nöm thienyde, ku cuɛt piny në melik nɔm. Thieec abï rɔt puk aye kërac.”

¹⁰ Na wën, ke Mothe ë lɔ tëde melik kekë Aron, lek lɛ̈k kë cïï Bɛ̈nydït lueel. Na wën, ke Aron ë cuɛt thienyde piny në melik nɔm kekë bänyke. Go thieec rɔt puk ke ye kërac.

¹¹ Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

¹² Acïk thieecken bɛ̈n cuat piny ayadäŋ, go thieecken röt puk aye karɛc. Na wën, ke thieny ë Aron ë puk rɔt liek thieecken kedhie.

¹³ Go melik ŋoot ke ŋɛk nɔm riɛlde, ku cïï jamden piŋ cït man cïï Bɛ̈nydït e lueel.

Riääk dït cï Rip Lɔ̈ny Riääk de Riɛm

¹⁴ Go Bɛ̈nydït lɛ̈k Mothe an, “Melik de Rip aril nɔm aläl, ë jai luɔi jël ë kɔc.

¹⁵ Ka yïn, nöm thieny ee rɔt puk ke ye këracë miäk, ku lɔ tëde yen në Kiir thok të yen lɔ.

¹⁶ Ku lɛ̈kë yen an, ‘Bɛ̈nydït, Nhialic de Ɣeberuu ë ya tuöc yïn lueel an, “Tɔ kɔckï jäl lek A lam ë jɔ̈ɔ̈ric, ku yïn cïï gäm.”

¹⁷ Ku ënɔɔnë bɛ̈ny, acïï Bɛ̈nydït lueel an, “Yïn bä luöi kë bï yï tɔ ŋic Ɛn nɔn Yan Bɛ̈nydït. Yɛn bï pïïu Kiir yupic në thieec, ka pïïu abïk röt puk aye riɛm.

¹⁸ Ku rec juëc abïk thou Kiir, ku tɔkï Kiir ŋuäcic. Ka acïn luɔi bï kɔc ke Rip bɛ dek thïn.’ ”

¹⁹ Ku lëk ë Bɛ̈nydït Mothe an, “lɛ̈kë Aron ë nöm thienyde, ku ë yɛɛk nhial ë pïïu ke Rip nïïm ëbɛ̈n, pïïu ke wɛ̈ɛ̈r, ku pïïu ke liɛl, ku pïïu ke wëk, ku pïïu ke awuul, ke pïïu ë ke bï röt puk aye riɛm piny ë Rip ëbɛ̈n, alɔ gut ë pïïu nu në tönyiic, ku thɛ̈kiic në ɣöötiic.”

²⁰ Na wën, ke Mothe kekë Aron ë ke loi kë cïï Bɛ̈nydït lueel ëbɛ̈n. Go Aron thienyde yaak nhial, ku yup pïïu Kiir ke melik ë nu kekë bänyke. Go pïïu röt puk aye riɛm në Kiiric ëbɛ̈n.

²¹ Ku thou rec juëc Kiir, go Kiiric ŋuäc. Go ciën luɔi be kɔc ke Rip dek thïn. Piny ë Rip ë bɛ̈n rëër ke ye riɛm ëbɛ̈n.

²² Go tït ke melik kë cït ee kënë looi ayadäŋ në tïïtden. Go melik nɔm riɛlde cuuth cït man cïï Bɛ̈nydït e lɛ̈k Mothe kekë Aron an, melik acïï jamdun bï piŋ.

²³ Na wën, ke melik ë puk enɔm baaide ke cïn këde yic thïn kekë kë loi rɔt.

²⁴ Go kɔc ke Rip Kiir wec yɔu ëbɛ̈n ke ke kɔɔr pïïu dek. Në biäk ë cïï pïïu ke Kiir röt dek.

²⁵ Na ɣɔn aacï nïn aa dhorou, nïn ë yup ë Bɛ̈nydït Kiir,